(ಲೇಖನ -3)ಸಾಮಾಜಿಕ ಜಾಲತಾಣಗಳಲ್ಲಿ ನಿನ್ನ ಜವಾಬ್ದಾರಿ? ಸಾಮಾಜಿಕ ಜಾಲತಾಣವನ್ನು ಜನರು ಸದುದ್ದೇಶಕ್ಕೆ ಉಪಯೋಗಿಸಿಕೊಳ್ಳಬೇಕು!
ಸಾಮಾಜಿಕ ಜಾಲತಾಣಗಳಲ್ಲಿ ನಿನ್ನ ಜವಾಬ್ದಾರಿ? ಸಾಮಾಜಿಕ ಜಾಲತಾಣವನ್ನು ಜನರು ಸದುದ್ದೇಶಕ್ಕೆ ಉಪಯೋಗಿಸಿಕೊಳ್ಳಬೇಕು! ತಾಂತ್ರಿಕತೆಯು ಮುಂದುವರಿದಂತೆ ಅದರ ಒಳಿತು-ಕೆಡುಕು ಎಲ್ಲವೂ ನಾವು ಹೇಗೆ ಉಪಯೋಗಿಸಿಕೊಳ್ಳುತ್ತಿವೆಯೋ ಅದನ್ನು ಅವಲಂಬಿತವಾಗಿರುತ್ತದೆ.
ಇಂದಿನ ದಿನಗಳಲ್ಲಿ ಸಾವಿರಾರು ತರದ ಮಾಧ್ಯಮಗಳು,ವಿವಿಧ ಸಾಮಾಜಿಕ ಜಾಲತಾಣ ಮತ್ತು ಹತ್ತು ಹಲವಾರು ವಿಷಯಗಳು ನಮ್ಮ ಕೈಯಲ್ಲಿರುವ ಮೊಬೈಲ್ನಲ್ಲಿ ತುಂಬಾ ಸುಲಭವಾಗಿ ಸಿಗುತ್ತದೆ. ಕೆಲವರು ಇದನ್ನು ಒಳಿತಿಗಾಗಿ ಉಪಯೋಗಿಸಿದರೆ, ಕೆಲವರು ಕೆಡುಕಿಗೆ ಪ್ರಯೋಗಿಸುತ್ತಾರೆ. ಯಾರೋ ಮಾಡಿದ ತಪ್ಪಿನಿಂದ ಇನ್ನ್ಯಾರೋ ಶಿಕ್ಷೆಯನ್ನು ಅನುಭವಿಸಿದ ಸಂದರ್ಭಗಳು ಬಹಳಷ್ಟು ನೀವು ನಿಮ್ಮ ಕಣ್ಣಾರೆ ನೋಡಿರಲು ಬಹುದು. ಸಾಮಾಜಿಕ ಜಾಲತಾಣದಲ್ಲಿ, ಅವಿವೇಕಿಗಳು ತನ್ನ ವಿಕೃತ ಮನೋಭಾವದಿಂದ, ಸಮಾಜದ ಜನರಿಗೆ ಕೆಡುಕನ್ನು ಮಾಡಿದ ಸಂದರ್ಭಗಳು, ಮಕ್ಕಳು, ವಯಸ್ಕರು, ವೃದ್ಧರು ಅಥವಾ ಅಮಾಯಕ ಕುಟುಂಬಗಳನ್ನು ಬಲಿತೆಗೆದುಕೊಂಡಿರುವ ಪ್ರಸಂಗಗಳು ನಡೆಯುತ್ತಲೇ ಇದೆ.
ಇದಕ್ಕೆಲ್ಲ ಕಾರಣ, ಸಮಾಜದಲ್ಲಿ ಹೆಚ್ಚುತ್ತಿರುವ ಸಮಾಜ ಘಾತುಕರ ಸಂಖ್ಯೆ, ಹೆಚ್ಚಾಗಿ ತನ್ನ ಮನಸ್ಸಿನೊಳಗೆ ಕೊಳಕನ್ನು ತುಂಬಿಸಿಕೊಂಡು, ಬೇರೆ ಬೇರೆ ಕಾರಣಗಳಿಂದ ಸಮಾಜದ ಸಾಮಾನ್ಯ ಜನರನ್ನು ಬಲಿ ತೆಗೆದುಕೊಳ್ಳಲು ಶ್ರಮ ಪಡುತ್ತಿರುತ್ತಾರೆ. ಇಂತಹ ಜನರಿಂದ ಆಗಾಗ ಜನರಿಗೆ ತೊಂದರೆಗಳು ಹೆಚ್ಚಾಗಿ ನಡೆಯುತ್ತಿರುತ್ತದೆ. ತಾನು ಮಾಡಿದ ಘನ ಕಾರ್ಯಕ್ಕೆ ಅಂತವರು ತನ್ನ ಬೆನ್ನು ತಟ್ಟಿಕೊಳ್ಳುತ್ತಾ ಮತ್ತೆ ಅದೇ ಹುಚ್ಚು ಬುದ್ದಿಯನ್ನು ನಿರಂತರವಾಗಿ ಮಾಡುವ ಚಪಲ, ಇಂತಹ ಕೆಲಸಗಳಿಗೆ ಹೆಚ್ಚಾಗಿ ಲೋಕದ ಪರಿಜ್ಞಾನವಿಲ್ಲದ ಜನರು ಹೆಚ್ಚಾಗಿ ಮಾಡುತ್ತಾರೆ. ಯಾವುದೇ ವಿಷಯಗಳು ಸುದ್ದಿ ಮಾದ್ಯಮದಲ್ಲಿ ಬಂದಾಗ ಅದರ ಒಳಿತು ಕೆಡುಕು ಏನನ್ನೂ ನೋಡದೆ, ಹುಚ್ಚರಂತೆ ಅನ್ಯರಿಗೆ ಕಳುಹಿಸಿ ಬೆದರಿಕೆ ಹಾಕುತ್ತಾ, ಹೊಡೆಯುತ್ತೇನೆ, ಬಡಿಯುತ್ತೇನೆ ಎಂದು ಬೊಬ್ಬೆರಿಯುತ್ತ, ಅವ್ಯಾಚ್ಯ ಶಬ್ದಗಳಿಂದ ನಿಂದಿಸಿ ತನ್ನ ವಿಕೃತಿಯನ್ನು ತೋರಿಸುತ್ತಾರೆ. ತನ್ನದೇ ಮಾನಸಿಕ ಸ್ಥಿಮಿತ ಕಳೆದುಕೊಂಡು ಎಷ್ಟು ಸಾಧ್ಯವೋ ಅಷ್ಟರಮಟ್ಟಿಗೆ ಹಗಲಿರುಳು ಇನ್ನೊಬ್ಬರ ಅವನತಿಗಾಗಿ ಶ್ರಮಿಸಿ ತಾತ್ಕಾಲಿಕ ಸಮಾಧಾನ ಮಾಡಿಕೊಳ್ಳುತ್ತಾರೆ.
ಜಾಲತಾಣ, ಮಾಧ್ಯಮಗಳನ್ನು ಊರಿನ, ದೇಶದ ಹಿತಕ್ಕಾಗಿ ಉಪಯೋಗಿಸಿ, ಸಮಾಜದಲ್ಲಿ ಕಿಚ್ಚು ಹಬ್ಬಿಸುವ ಸಮಾಚಾರಗಳನ್ನು ಅನ್ಯರಿಗೆ ಕಳುಹಿಸಬೇಡಿ, ಇನ್ನೊಬ್ಬರ ಜೀವನ ನಶಿಸುವ ವಿಚಾರದಲ್ಲಿ ನಿಮ್ಮ ಪರಿಶ್ರಮ ಇರದಿರಲಿ. ನಾವೆಲ್ಲರೂ ಮನುಷ್ಯರು ಸಾಧ್ಯವಾದಷ್ಟು ಪ್ರಬುದ್ಧ ಸಮಾಜದ ನಿರ್ಮಾಣ ನಮ್ಮೆಲ್ಲರ ಜವಾಬ್ದಾರಿ.
ಭಾರತದ ಅನುರಾಗ ಈ ಗುಂಪಲ್ಲಿ ಇನ್ನಷ್ಟು ಪ್ರಬುದ್ಧ, ಜವಾಬ್ದಾರಿಯುತ ಪ್ರಜೆಗಳು ಸೇರುತ್ತಲಿರಲಿ, ಉತ್ತಮ ಸಮಾಜದ ನಿರ್ಮಾಣಕ್ಕೆ ಶ್ರಮಿಸಲಿ.
ವಂದನೆಗಳು
ಬರಹ : ಮಾಧವ. ಕೆ. ಅಂಜಾರು.
Comments
Post a Comment