ತುಳುನಾಡ ಐಸಿರಿ

ತುಳುನಾಡ ಐಸಿರಿನ್ ನೆಂತೂದಿಪ್ಪುಲೆ
ತುಳುಭಾಷೆದ  ಪೊರ್ಲುನು  ಒರಿಪುಗ ನಮ ಬಲೇ

ಕಾರ್ಣಿಕೊದ ಮಣ್ಡ್ ಬುಲೆದಿನಕುಲುಯೇ
ತುಳುವಪ್ಪೆನ್ ಮೋಕೆಡ್ ತೂಯಿನಕುಲುಯೇ ..೨
ಸತ್ಯೊದ ಸಾದಿಡ್ ನಡಪುನ ನಮ ಧರ್ಮ
ನಿತ್ಯೊಲ ತುಳುದೀಪೋಗ್ ಕೈ ಮುಗಿಲೆಯೇ .. ೧

ತುಳುನಾಡ ಐಸಿರಿನ್ ನೆಂತೂದಿಪ್ಪುಲೆ
ತುಳುಭಾಷೆದ  ಪೊರ್ಲುನು  ಒರಿಪುಗ ನಮ ಬಲೇ

ಈ ಏಳ್ ಜನ್ಮೊದ ಪುಣ್ಯ ನಮ್ಮವೇ
ಜಾತಿ ಧರ್ಮ ಬೇಧ ದಾಂತೆ ಬದುಕೊಂದುಲ್ಲಯೇ -೨
ಕಡಲ ಬರಿತ ಪೊರ್ಲುದ ಈ ನಮ್ಮ ಊರು
ಸುಖ ಶಾಂತಿನ್ ಬಯಕುನ ಈ ನಮ್ಮ ನಾಡ್ -೧

ತುಳುನಾಡ ಐಸಿರಿನ್ ನೆಂತೂದಿಪ್ಪುಲೆ
ತುಳುಭಾಷೆದ  ಪೊರ್ಲುನು  ಒರಿಪುಗ ನಮ ಬಲೇ

ಪರಶುರಾಮ ದೇವೆರೆ ಈ ಜಾಗೊಯೇ
ಪ್ರತಿಧರ್ಮದ ಜನಕುಲೆನ ಈ ಭೂಮಿಯೇ -೨
ಮಾತೆರ್ಲ ಒಂಜಾದ್ ಮೋಕೆಡ್ ನಮ ಪನ್ಪ  ...
ತುಳು ಸಂಸ್ಕ್ರಿತಿ  ಏಪೋಗ್ಲಾ ಒರಿಪಾದ್ ಕೊರುವ -೧

ತುಳುನಾಡ ಐಸಿರಿನ್ ನೆಂತೂದಿಪ್ಪುಲೆ
ತುಳುಭಾಷೆದ  ಪೊರ್ಲುನು  ಒರಿಪುಗ ನಮ ಬಲೇ
                           - ಮಾಧವ ನಾಯ್ಕ್ ಅಂಜಾರು