ಸೊಲ್ಮೆಲ್ ನಾಸಿರ್

ನಮಸ್ಕಾರ    

                   ಸಂಘಮಿತ್ರೆರೆ   ಜೀವನ  ಒಂಜಿ ಪೊರ್ಲುದ ಪ್ರಯಾಣ ಇತ್ತಿಲೆಕ್ಕ . ನಮ ಪೋಪುನ ಸಾದಿಡ್  ಮಸ್ತ್ ಜನ ನಮ್ಮೊಟ್ಟುಗ್ ಸಹಪ್ರಯಾಣೊಗ್ ಸಿಕ್ಕುವೆರ್ . ನಮ ಅಕ್ಲೆಡ ಪರಿಚಯ ಮಲ್ತೊನುವ , ತೆಲಿಪುವ, ನಲಿಪುವ, ನಮ್ಮ ಉಡಲ್ದ  ಪಾತೆರ ಪನ್ಪ ,  ಗುರ್ತ ಪರಿಚಯನೇ ಇಪ್ಪಾಂದಿನಕುಲ್  ಎತ್ ಕೈತಲ್ ಬರ್ಪ. ಅಂಚನೆ ನಮ, ನಿಲ್ದಾಣ ಬತ್ತಿನಲ್ಪ ಜತ್ತದ್ ಪೋಪ . ಆ ಎಲ್ಯ ಪೊರ್ತುಲ ಮನಸಡ್ ನೆಂಪಾದ್  ಒರಿವುಂಡು . ಅಂಚಿತ್ತಿನ  ಪೊರ್ಲುದ ನೆಂಪೇ ನಮ್ಮ ನಾಸಿರ್ .  ಉದ್ಯೋಗೊಗಾದ್ ಕುವೈಟ್ ಗ್ ಬತ್ತದ್ ಮಾತೆರ್ನ ಒಟ್ಟುಗ್ ಭಾವ ಬಂಧೊಡ್ ಬೆಸೆದ್ ಇತ್ತಿನಾರ್  ತುಳು ಕೂಟದ ಬೊಳ್ಳಿ ನಾಸಿರ್'ಮೆರೆನ  ಬೀಳ್ಕೊಡುಗೆ ಸಮಾರಂಭೊ

ಈ ಸಭಾ ಕಾರ್ಯಕ್ರಮೊನ್ ನಡಪಾದ್ ಕೊರ್ರೆಗ್ ವೇದಿಕೆ ಪಜ್ಜೆದೀವೊಡಿಂದ್ ವಿನಂತಿ ಮಲ್ಪುವೆ, ಕೂಟದ ಅದ್ಯಕ್ಷೆರಾಯಿನ ಶ್ರೀ ತಾರೇಂದ್ರ.  ಪಿ . ಶೆಟ್ಟಿಗಾರ್ , ಉಪಾದ್ಯಕ್ಸೆರಾಯಿನ   ಹರೀಶ್ ಭಂಡಾರಿ , ಸಲಹೆಗಾರರಾಯಿನ ಶ್ರೀ ಸುಧಾಕರ್ ಶೆಟ್ಟಿ , ಶ್ರೀ ರಮೇಶ್ ಕಿದಿಯುರ್ ಬೊಕ್ಕ ಶ್ರೀಮತಿ ಸ್ವರ್ಣ ಶೆಟ್ಟಿ ಮೆರೆನ್ 

ವೇದಿಕೆಗ್ ಪಜ್ಜೆದೀನ ಮಾತ ಹಿರಿಯೆರೆಗ್ ಮೋಕೆದ ಸ್ವಾಗತ ,

ಸಂಘ ಮಿತ್ರೆರೆ ನಿಕ್ಲೆನ ರಡ್ಡ್ ಕೈಕ್ಲೆನ್ ಒಂಜಿ  ಮಲ್ತ್  ದ್ ತಾಟಿ ಪನ್ಪಿ ಇರ್ಮೆನದ ಸಬ್ದ ಕೊರ್ದು , ಬಿರ್ದ್ ಬಲ್ಮನೊಡು ವೇದಿಕೆಗ್  ಎದ್ಕೊನ್ಗ  ನಮ್ಮ ಮೊಕೆದ ನಾಸಿರ್ ಮೆರೆನ್ 

ತುಳು ಸಂಸ್ಕ್ರತಿದ ಬುಲೆಚಿಲಗ್ ನಡೀರ್ -ಪುಲ್ಯನ , ಇರ್ಲ್ -ಪಗಲ್ ಪಂಡ್ ದ್ ತೂವಂದೆ , ಪಾಲ್ಗ್ ಬತ್ತಿನ ಕೆಲಸೋನ್ ನಿಷ್ಠೆಡ್ ಮಲ್ತದ್ ಸರ್ವ ಸಂಘ ಮಿತ್ರೆರೆನ ಮನ ಗೆಂದಿನ ಶ್ರೀಯುತ ನಾಸಿರ್ ಮೆರೆನ ಬಗ್ಗೆ ರಡ್ಡ್ ಪಾತೆರ ಪಣೆರೆಗ್  ಬಯಕುವೆ . 

• ಕುಡ್ಲದ , ಕೂಳೂರು  ಪಂಜಿಮೊಗರ್ ಪನ್ಪಿ ಬಂಗಾರ್ ಮಣ್ಣ್ ಡ್ ದಿವಂಗತ ಸಾರಬಿ ಬೊಕ್ಕ ಖಾಲಿದ್, ಮೊಕ್ಲೆನ ಮೋಕೆಡುದಲ್ ಪನ್ಪಿನ ತೋಟೊಡ್  ಅರಲ್ದಿ ಪೊರ್ಲುದ ಪುರ್ಪನೇ  ನಾಸಿರ್. 
• ತನ್ನ ಪುರ್ಪದ ಪೊರ್ಲು ಕಂಪುನ್ ಕೈ ದಿಂಜಾದ್ ತುಳುವನಾಡ್ ದ ಮಣ್ಣ್ ದ  ಕಮ್ಮೆನ ಏರಾದ್ ಐತ ಬೊಕ್ಕ ಗಲ್ಫ್ ದ ಈ ಕುವೈಟ್ ಪನ್ಪಿನ ಮರುಭೂಮಿಗ್ ಲಾ ಪಸರಿಸಾಯಿನ ಕೀರ್ತಿ. 
• ಕುವೈಟ್ಗ್  1992 ಟ್ ಬತ್ತಿನ ಮೇರ್2003 ಮುಟ್ಟ ಬೇತೆ ಬೇತೆ ಕಂಪನಿ ಡ್ ಉದ್ಯೋಗೊನ್ ಮಲ್ತೊಂದು. ಪ್ರಸ್ತುತ ಸುಲ್ತಾನ್ ಫರ್ನಿಶಿಂಗ್ ಕಂಪೆನಿಡ್ 11 ವರ್ಸೊಡ್ದ್ ಷೋ ರೂಂ ಇನ್ ಚಾರ್ಜ್ ಆದ್ ನಿಷ್ಠೆಡ್ ಬೆನೊಂದು ಊರುಡಿಪ್ಪುನ ತನ್ನ ಕುಟುಂಬೊನು ತಾಂಕೊಂದ್ ಉಲ್ಲೆರ್. 
• ಮೆರೆನ ಕುಟುಂಬೊಡು  ಧರ್ಮ ಪತ್ನಿ ಮೈಮೂನ ನಾಸಿರ್ ,  ಮೋಕೆದ ಮೂಜಿ  ಜೋಕುಲು -ಮನ್ಸೂರ್ ನಾಸಿರ್ , ಖಾಲಿದ್ ನಾಸಿರ್ ,ಬೊಕ್ಕ ಲೀಜ್ಹಾ ನಾಸಿರ್. 
• ಕುವೈಟ್ ಡ್  ನಾಸಿರ್ ಕರಿದಿನ  22 ವರ್ಸೊಡ್ದ್ ಒಂಜತ್ತ್ ಒಂಜಿ ಸಂಘ ಸಂಸ್ತೋಲೆನ ಒಟ್ಟುಗ್ ಇತ್ತದ್ ತನಡ್ದ್ ಆಯಿನ ಸೇವೆ ಮಲ್ತೊಂದು ಇತ್ತೆರ್ .  ತುಳುಕೂಟ ಕುವೈಟ್ ಅಂಚನೆ ಕುವೈಟ್ ಕನ್ನಡ ಮುಸ್ಲಿಂ ಅಸೋಸಿಯೇಶನ್, ನೆತ್ತ ಕ್ರಿಯಾಶೀಲ ಸದಸ್ಯೆರ್  ಆದ್ ಬೇಲೆ ಮಲ್ತೊಂದು ಮಾತೆರ್ನಲ ಮನಸ್ ಗೆಂದಿನಾರ್. 
• ತುಳುಕೂಟದ ಪ್ರತಿ ಸಮಾರಂಬೊಗ್ ಲಾ ಬತ್ತ್ ದ್  ಪ್ರತಿ ಕಾರ್ಯೊನು ಉತ್ಸಾಹೊಡು  ಅಚ್ಚುಕಟ್ಟಾದ್ ಮಲ್ಪುನಾರ್. 
• ಹಾಸ್ಯಪ್ರಸಂಗೋಲು, ನಾಟಕ  ಛದ್ಮ ವೇಷ ದಂಚಿತ್ತಿನ ಮಾತಾ ಸಾಂಸ್ಕೃತಿಕ , ಗೊಬ್ಬುದ  ಕನೊಟ್ ಬಿರ್ಸಾದಿಕೆ ತೋಜಾಯಿನಾರ್. 
• ಪ್ರಾಮಾಣಿಕತೆ , ಪರೋಪಕಾರಿ ,ನಿಸ್ವಾರ್ಥ ಸೇವೆ , ಸಮಯಪಾಲನೆ ಮಲ್ತ್ ದ್ ಮಾದರಿ ಆಯಿನಾರ್ . 

ನಿಕ್ಲೆ ಮಾತೆರೆಲಾ ಗೊತ್ತಿತ್ತಿ ಲೆಕ್ಕ ನಾಸಿರ್ ತುಳುಕೂಟೊಗ್ ಮಲ್ತಿಂಚಿ ಸೇವೆ ರಡ್ಡ್ ಪಾತೆರೊಡು ಮುಗಿಪಾವೆರೆ ಸಾಧ್ಯ ಇಜ್ಜಿ. ಇಂಚನೆ ನನ ದುಂಬುಲಾ ತುಳು ನಾಡದ ಭಾಷೆ ಸಂಸ್ಕೃತಿದ  ವೈಭವೊದ ರಂಗ್ ನ್ ಪತ್ತ್ ದಿಕ್ಕ್ ಸಾರವುನ ಶಕ್ತಿ , ಆಯುಷ್ಯ ಆರೋಗ್ಯ ನಂಬಿನ ದೇವೆರ್ ಕೊರಡ್, ಅಂಚನೆ ಎಂಕ್ಲೆನ ಒರ್ಲ ಮೊಕೆನ್ ಈ ರೀತಿಯಾದ್ ಉಡಲೊರ್ಮೆ ಇರೆಗ್ ಒಪ್ಪಿಸಾವೊಂದುಲ್ಲ . 

ಕೂಟದ  ಅಧ್ಯಕ್ಷೆರಾಯಿನ ಶ್ರೀ ತಾರೆಂದ್ರ ಪಿ  ಶೆಟ್ಟಿಗಾರ್ , ಉಪಾದ್ಯಕ್ಸೆರಾಯಿನ ಹರೀಶ್ ಭಂಡಾರಿ  , ಸಲಹೆಗಾರರಾಯಿನ ಶ್ರೀ ಸುಧಾಕರ್ ಶೆಟ್ಟಿ , ಶ್ರೀ ರಮೇಶ್ ಕಿದಿಯುರ್ ಬೊಕ್ಕ ಶ್ರೀಮತಿ ಸ್ವರ್ಣ ಶೆಟ್ಟಿ ಮೊಕುಲು ಶ್ರೀಯುತ ನಾಸಿರ್ ಮೆರೆಗ್ ಶಾಲು ಪುದೆತದ್ , ನೆಂಪುದ ಕಾಣಿಕೆ ಕೊರ್ದ್ ಮಾನಿಪೊಡ್ ಪಂಡ್ದ್ ಕೇಣೊನುವೆ 

ಕುವೈತೆಡ್ ಯೇಗಿತದ ಸವಾರಿನ್ ಯಶಸ್ವಿಡ್ ಮುಗಿಪಾದ್ , ದುಂಬುದ ಜೀವನೋನ್ ಅಪ್ಪೆನಾಡ್ ಡ್   ಮೋಕೆದ ಸಂಸಾರದೊಟ್ಟುಗು ಸಂತಸೊಡ್ ದೆಪ್ಪ ಪಂಡ್ದ್ ಸರ್ವ  ತುಳುಕೂಟದ ಸಂಘಮಿತ್ರೆರೆ ಪರವಾದ್  ಹಾರೈಸುವೆ . 

ಶ್ರೀಯುತ ನಾಸಿರ್ ಮೆರೆನ  ವಿದಾಯಕೂಟದ ಬಗ್ಗೆ ,  ವೇದಿಕೆಡಿಪ್ಪುನ  ಹಿರಿಯೆರ್ , ರಡ್ಡ್ ಪಾತೆರ ಪಂಡ್ದ್ ಅರೆಗ್ ಶುಭ ಹಾರೈಸೊಡ್,  ಯಾನ್ ವಿನಂತಿ ಮಲ್ಪುವೆ. 
           ಸುಧಾಕರ್ ಶೆಟ್ಟಿ 

           ಸತಿಶ್ಚಂದ್ರ ಶೆಟ್ಟಿ 

           ಸ್ವರ್ಣ ಶೆಟ್ಟಿ 

           ರಮೇಶ್ ಕಿದಿಯೂರ್ 

ತುಳು ಕೂಟ ಸದಸ್ಯೆರೆಗ್ ತನ್ನ ಅನಿಸಿಕೆ ಪನೆರೆ ಅವಕಾಶ ಕೊರೊಂದುಲ್ಲ 

 ಸನ್ಮಾನಿತ   ಮೋಕೆದ ನಾಸಿರ್ ತನ್ನ ಅನಿಸಿಕೆನ್ ಪಣೊದ್ ಪಂಡ್ದ್ , ಆಹ್ವಾನ  ಮಲ್ಪುವೆ . 

ಸೊಲ್ಮೆಲ್ ನಾಸಿರ್ 

ಅರಿಕೆದ ಪಾತೆರ ಅಧ್ಯಕ್ಷೆರೆನ. 

ಕವನ 

ಸಂಬಂಧೊಲು ಸೃಷ್ಟಿ ಮಲ್ಪುನ ಪ್ರೀತಿ- ಮೋಕೆ ನಮ ಒರಿತೊಂದು ಬರೊಡಾಯಿನ , ಸಾಸ್ವತ ಪ್ರೀತಿ ಉಡಲೊರ್ಮೆ ಒರಿಯಡ್ ಪಂಡ್ದ್ ಬಯಕುವೆ . 

ಮಾತೆರ್ಲ ಉನಸ್ ಮಲ್ತ್ ಪೋವೊಡ್ ಪಂದ್ ಕೆನೊನ್ವ 

ನಮಸ್ಕಾರ