'ನಮ್ಮ ಸಂಸ್ಕೃತಿ '

ತುಳುವೆರ್ ನಮ .. ತೆರಿಯೋನ್ಗ ನಮ
 ಸಂಸ್ಕೃತಿದ  ನಾಡ್ ಒರಿಪಾಗ ನಮ ।।೧।।

ಪರಶುರಾಮ ದೇವೆರ್ ಸೃಷ್ಟಿ ಮಲ್ತಿ ಭೂಮಿ
ತರೆಬಗ್ಗಾದ್ ನಮಿಪುಗ ಈ ಪುಣ್ಯ  ಮಣ್ಣ್ ಗ್ ।।೧।।

ಸತ್ಯದ ಜೋಕುಲೆನ ಈ ನಮ್ಮ ನಾಡ್
ಸಾರ ವರ್ಸೊದ  ಇತಿಹಾಸದ ಬೀಡ್ ।।೧।।

ಮಾತ ಜಾತಿ ಬಾಂಧವೆರೆ ಜನ್ಮದ ಕೀರ್ತಿ
ತುಳುವಪ್ಪೆ ಜೋಕುಲು ನಮ ಸುಗಿಪುಗ ಪೂರ್ತಿ ।।೧।।

ಯಕ್ಷಗಾನದ ಗೊಬ್ಬು ನಮ್ಮಕ್ಲೆ ಊರುಡು
ತಾಸೆ ಚೆಂಡೆಗ್ ಪಿಲಿ ನಲ್ಪುವ ಒಟ್ಟುಗು ।।೧।।

ಜೈನೆರ್ ನೆಲೆಯಾಯಿ ಪಡ್ಡಾಯಿ ಊರು
ಕಾರ್ಕಳ , ಬೆದ್ರೆ , ವೇಣೂರ್ದ ಬೀಡ್ ।।೧।।

ಶ್ರೀ ಕೃಷ್ಣ ದೇವೆರೇನ್  ಕಡಲ್ಡ್ ಕೊನೊತು
ನೆಲೆಮಲ್ತಿನಾರ್  ಮದ್ವಾಚಾರ್ಯೆರ್ ।।೧।।

ನಾಗದೆವರೆ ತನುಪರಂದ್ ಸೆವೆನ್.. ಕೊರ್ಪ
ಪುಣ್ಯ ಪ್ರಸಾದೊನ್ ದೆತೊಂದ್ ಬರ್ಪ ।।೧।।

ಗದ್ದುಗೆ ಅಮ್ಮಗ್ ಗೊಂದೊಲು  ಸೇವೆನ್ ಕೊರ್ಪ ..
ಮಾತೆರ್ಲ ನಲಿತೊಂದು ಕೊಂಡಾಟ ಮಲ್ಪುವ .. ।।೧।।

ಅತ್ತೂರ  ಜಾತ್ರೆಡ್ ಇಷ್ಟಾರ್ಥ ನಟ್ಟುವ ..
ಜಾತಿ ಭೇದ ದಾಂತೆ ಒಂಜಾದ್ ಉಪ್ಪುವ .. ।।೧।।

ದರ್ಗಾ ಮಸೀದಿ  ಸಂಘ ಮಿತ್ರೆರೆ ಪ್ರಾರ್ಥನೆ
ಮಲ್ತೊಂದ್ ಇಪ್ಪುನ ಈ ಪುಣ್ಯ ಜಾಗ .. ।।೧।।

                   -ಅಂಜಾರು ಮಾಧವ ನಾಯ್ಕ್