ಕಾಲೇಜು ಲೈಫು

ಕಾಲೇಜು ಹೋಗಲು ಸಂತೋಷವೆಲ್ಲಾ
ಪಾಠ ಕೇಳಲು ಉಲ್ಲಾಸವಿಲ್ಲಾ
ಸಿನೆಮಾ ನೋಡಲು ಸೇರಿದೆವೆಲ್ಲಾ
ನಮ್ಮಿ ಕಾಲೇಜು ಹುಡುಗರೆಲ್ಲಾ  ....

ದೂರದಿ ಕಾಣೋ ಟೀನೇಜು ಹುಡುಗಿಯ
ಸೀಟಿ ಹೊಡೆದು ಕರೆದೆವೆಲ್ಲಾ ...
ಹತ್ತಿರ ಬಂದು ಕೆಂಪು ಮುಖದಿ
ಕ್ಯಾಕರಿಸಿ ಉಗುಳಿ ಹೋದಳಲ್ಲಾ ....

ಗುಂಪು ಹುಡುಗರು ನೋಡಿ ನಗಲು
ಚೆಂದುಳ್ಳಿ ಅವಳು ತಿರುಗಿ ಹೋಗಲು
ಹಿಂಬಾಲಿಸಿ ಹೋದರು ತರುಣರೆಲ್ಲಾ  
ತಿರುಗೇ ಬಿಟ್ಟಳು ನಮ್ ಸೈಡೆಲ್ಲಾ ...

ಅಯ್ಯೋ ...! ಎಂದು ಕಾಲ್ಕೆರೆದವಳು ...
ಎದ್ದು ಬಿದ್ದು ಓಡೋಡಿ ಹೋದರು ..
ತರುಣರ ಗುಂಪು ಚದುರಿ ಹೋದರು
ಕ್ಷಣದಿ ಬಂದು ಸೇರಿದರೆಲ್ಲಾ ...

ಪ್ರಾಂಶುಪಾಲರು ಬಂದೇ ಬಿಟ್ರು
ಆಪೀಸಿಗೆ ಕೆಲವರ ಕರೆದೇ ಬಿಟ್ರು
ಅಪ್ಪ ಅಮ್ಮಗೆ ಹೊರೆ ಅಂದೇ ಬಿಟ್ರು
ಕೊರೆದು ಕೊರೆದು ಬಿಟ್ಟರಲ್ಲಾ ...

ಮನೆಗೆ ವಿಷ್ಯ ತಿಳಿಯಿತಲ್ಲಾ
ಬೈಗುಳ ಸುರಿಮಳೆ ಹರಿಯಿತಲ್ಲಾ
ಪಾಕೆಟು ಮನಿ ಇಲ್ಲವೇ ಇಲ್ಲಾ
ಕಾಲೇಜು ಹೋಗಲು ಸಂತೋಷವೇ ಇಲ್ಲಾ ...:)

                            - ಅಂಜಾರು ಮಾಧವ ನಾಯ್ಕ್