ಬೇಗನೆ ಅವತರಿಸು (ಕವನ -28)

ಏನ ಕಾಣಲಿ  ನಾನಿನ್ನೇನ ಕೇಳಲಿ

ದೇವ ನೀನಿಲ್ಲವೆಂದು ಹೇಳುವವರು

ಈ ಜಗದಲಿರುವಾಗ,

ಎನ್ನ ದೂಷಿಸೋರು ಏನು ಮಹಾ

ನಿನ್ನ ನೋವೆನಗೆಕೊಡು

ನಾನಿನ್ನವನು ಜಗದೊಡೆಯ

ನಿನ್ನೆಸರಲಿ ಮಾಡುವರು ಹಾಸ್ಯ

ನಿನ್ನ ರೂಪವ ವಿರೂಪಗೊಳಿಸಿ

ನೀನಿಲ್ಲವೆಂದೇ ಸಾರುತಿಹರು

ಜನರು ಈ ಜಗದಲಿ

ಕಲ್ಲಾಗಿರುವ ನಿನ್ನ ಕೊಲ್ಲುತಿಹರು

ನಿನ್ನ ಜೊತೆಗಿರಿಸು ಎನ್ನನು

ನೀನಿರಲು  ನಾನಿರುವೆ

ನೀನಿಲ್ಲವೆಂದರೆ ನಾನಿರೆನು 

ನಿನ್ನ ಪರೀಕ್ಷಿಸಿದವಗೆ

ಎನ್ನ ಕಣ್ಣಮುಂದೆ ತೋರಿಸು

ಸರ್ವ ಶಕ್ತಿ ನೀನೆಂದು

ನೀ ಬೇಗನೆ ಬಂದು ಅವತರಿಸು

         ✍️ಮಾಧವ ಅಂಜಾರು 🌷